கிளிநொச்சி ஏ9 வீதி ஆனையிறவு உமையாள்புரம் பகுதியில் நேற்று இடம்பெற்ற விபத்தொன்றில் சிக்கிய சொகுசு பேருந்துடன், கிளிநொச்சியிலிருந்து இன்று அதிகாலை யாழ்ப்பாணம் நோக்கி பயணித்த மோட்டார் சைக்கிள் மோதியதில் குறித்த விபத்து இடம்பெற்றுள்ளது.
விபத்தில் மோட்டார் சைக்கிளை செலுத்திய நபர் உயிரிழந்துள்ளதாக பொலிஸார் தெரிவித்துள்ளனர்.
நேற்று சாரதியின் நித்திரைதூக்கத்தால் சொகுசு பேருந்து ஒன்று பாலத்துடன் மோதுண்டு விபத்துக்குள்ளானது. குறித்த விபத்தில் இருவருக்கு சிறிய காயங்கள் ஏற்பட்டன.
நேற்று இடம்பெற்ற விபத்தின் பின்னர் விபத்தில் சிக்கியிருந்த பேருந்து அகற்றப்படாமையாலேயே இன்று அதிகாலை விபத்து ஏற்பட்டுள்ளதாகவும், குறித்த விடயம் தொடர்பில் வீதி போக்குவரத்து பொலிசார் பொறுப்புடன் செயற்பட்டிருக்கவில்லை எனவும் பிரயாணிகள் தெரிவிக்கின்றனர்.
