தமிழ்த் தேசியக் கூட்டமைப்பின் தலைவரும், நாடாளுமன்ற எதிர்க் கட்சித் தலைவருமான இராஜவரோதயம் சம்பந்தன் எதிர்வரும் வெள்ளிக்கிழமை மட்டக்களப்புக்கு விஜயம்;;; செய்யவுள்ளதாக கட்சி முக்கியஸ்தர்கள் தெரிவித்துள்ளனர்.
இந்து சமய கலாச்சார அலுவல்கள் திணைக்களத்தினால் ஏற்பாடு செய்யப்பட்டுள்ள சுவாமி விபுலானந்தர் பிறப்பின் 125வது ஆண்டு நிறைவையொட்டிய சுவாமி விபுலானந்தர் மாநாடும் கலைவிழாவும் நிகழ்வில் பிரதம அதிதியாகக் கலந்துகொள்வதற்கே தமது கட்சித் தலைவர் வருகை தரவுள்ளதாக மட்டக்களப்பு நாடாளுமன்ற உறுப்பினர் சீனித்தம்பி யோகேஸ்வரன் தெரிவித்தார்.
எதிர்வரும் சனிக்கிழமை காலை இந்த நிகழ்வு மட்டக்களப்பு கல்லடியிலுள்ள சுவாமி விபுலானந்தா அழகியற் கற்கைகள் நிறுவகத்தில் இடம்பெறவிருப்பதாக அந்நிறுவகத்தின் பணிப்பாளர் கலாநிதி சி. ஜெய்சங்கர் தெரிவித்தார்.
அந்தப் பட்டியலில் தமிழ்த் தேசியக் கூட்டமைப்பின் தலைவரும், நாடாளுமன்ற எதிர்க் கட்சித் தலைவருமான இராஜவரோதயம் சம்பந்தன் அதிஉயர் அதிதியாக அழைக்கப்பட்டுள்ளார்.
