புதுக்குடியிருப்பு – பரந்தன் பிரதான வீதியில் இன்று காலை இடம்பெற்ற வாகன விபத்தில் ஒருவர் படுகாயமடைந்துள்ளார்.
புதுக்குடியிருப்பு நகரப்பகுதி பிரதான வீதி வழியே மோட்டார் சைக்கிள் ஒன்று வேகக்கட்டுப்பாட்டை இழந்து, எதிரே வந்து கொண்டிருந்த பிக்கப் வாகனம் ஒன்றில் மோதி விபத்துக்குள்ளாகி உள்ளது.
இதில் மோட்டார் சைக்கிளில் வந்த 25 வயதுடைய இளைஞன் படுகாயமடைந்து முல்லைத்தீவு மாவட்ட வைத்தியசாலையில் அனுமதிக்கப்பட்ட நிலையில், மேலதிக சிகிச்சைக்காக வவுனியா மாவட்ட வைத்தியசாலைக்கு மாற்றப்பட்டுள்ளார்.
மேலும், சம்பவம் தொடர்பில் புதுக்குடியிருப்பு பொலிஸார் மேலதிக விசாரணைகளில் ஈடுபட்டுள்ளனர்.
