2018 ஆம் ஆண்டுக்காக எதிர்வரும் நவம்பர் மாதம் சமர்ப்பிக்கப்படவுள்ள வரவு – செலவுத்திட்டத் தில் மக்களுக்கான எவ்வித சலுகைகளையும் எதிர்பார்க்க முடியாது.
ஏனெனில், சர்வதேச நாணய நிதியத்துடன் அரசாங்கம் செய்துகொண்டுள்ள உடன்படிக்கையின் பிரகாரமே வரவு – செலவுத்திட்டம் தயாரிக்க வேண்டியுள்ளதாக பாராளுமன்ற உறுப்பினர் பந்துல குணவர்தன தெரிவித்தார்.
2018 ஆம் ஆண்டுக்காக அரசாங்கம் சமர்ப்பிக்கவுள்ள வரவு செலவுத்திட்டத்தில் மக்களுக்கான சலுகைகளை எதிர்பார்க்க முடியுமா என வினவியபோதே அவர் இதனைத் தெரிவித்தார். அவர் மேலும் குறிப்பிடுகையில்,
நிதியமைச்சர் மங்கள சமரவீர வரவு செலவுத்திட்டத்தின் மூலம் மக்களுக்கு சலுகை வழங்குவதற்கு எதிர்பார்த்தாலும் அவரால் அதனைச் செய்ய முடியாது. ஏனெனில், சர்வதேச நாணய நிதியத்திடம் இலங்கை கடன் பெற்றுள்ளது. அதற்காக நாணய நிதியத்துடன் உடன்படிக்கை ஒன்று செய்யப்பட்டுள்து.
அவ்வுடன்படிக்கையின் பிரகாரம் ஐந்து பிரதான நிபந்தனைகள் உள்ளன. அதாவது அரசாங்கத்தின் வருமானத்தை விரைவாக அதிகரிக்க வேண்டும், அரசாங்கத்தின் செலவுகளை முடியுமான வரையில் குறைக்க வேண்டும், வரவு மற்றும் செலவின் இடைவெளியைக் குறைக்க வேண்டும் நாணயத்தின் பெறுமானத்தை அதிகரிக்க வேண்டும், அரசாங்கத்தின் நஷ்டமீட்டும் நிறுவனங்களை தனியார்மயப்படுத்த வேண்டும் அல்லது விற்பனை செய்யப்பட வேண்டும் என்பனவே அந்நிபந்தனைகளாகும்.
எனவே குறித்த நிபந்தனைகளை பூர்த்தி செய்யும் வகையிலேயே வரவு செலவுத்திட்டம் தயாரிக்க வேண்டிய நிர்ப்பந்தத்திற்கு நிதியமைச்சர் தள்ளப்பட்டுள்ளார். ஆகவே சமர்ப்பிக்கப்படவுள்ள வரவு செலவுத்திட்டத்தின் மூலம் மக்களு
