மட்டக்களப்பு, போராதீவுப்பற்று – சின்னவத்தைக் கிராமத்தினுள் இன்று அதிகாலை காட்டு யானைகள் புகுந்து வீடுகளை உடைத்து சேதமாக்கியதுடன் இளைஞர் ஒருவரையும் தாக்கியுள்ளது.
யானைத்தாக்கி படுகாயமடைந்த இளைஞன் அம்பாறை வைத்தியசாலையில் அனுமதிக்கப்பட்டுள்ளார்.
படுகாயமடைந்த இளைஞன் சின்னவத்தைக் கிராமத்தை சேர்ந்த 22 வயதடைய சுபாஸ்கரன் என அம்பாறை வைத்தியசாலை பொலிஸார் தெரிவிக்கின்றனர்.
இச் சம்பவம் குறித்து மேலும் தெரியவருவதாவது,
இன்று அதிகாலை ஒரு மணியளவில் கிராமத்திற்குள் புகுந்த பத்திற்கும் மேற்பட்ட யானைகள் வீடுகள் குடிசைகள் களஞ்சியசாலைகள் என மக்களுடமைகளை சேதப்படுத்தியுள்ளது.
பீதியடைந்த மக்கள் அல்லோல கல்லோலப்பட்டு ஓடிய போதே குறித்த இளைஞன் யானைகளால் தாக்கப்பட்டுள்ளான்.
இதனையடுத்து மக்கள் ஒன்று திரண்டு சத்தமிட்டும் தீப்பந்தங்களை ஏந்தியும் காட்டுயானைகளை காட்டிற்குள் விரட்டியுள்ளனர்.
