நுவரெலியாவிலிருந்து – கெப்பட்டிபொல வழியாக அப்புத்தளை இதல்கஸ்ஹின்ன போகஹகும்புர நோக்கி பயணித்த வேன் ஒன்று நுவரெலியா அப்புத்தளை பிரதான வீதியில் போகஹகும்புர வெளியராகம பகுதியில் விபத்துக்குள்ளானது.
திருமண வீடு ஒன்றுக்கு சென்றுவிட்டு மீண்டும் வீட்டுக்கு செல்லும் வழியிலேயே குறித்த வேன் பாதையை விட்டு விலகி மரம் ஒன்றின் மீது மோதியுள்ளது.
இந்த விபத்தில் வேன் சாரதி உட்பட மூவர் படுங்காயங்களுக்கு உள்ளாகினர்.
வேன் சாரதிக்கு நித்திரை கலக்கம் ஏற்பட்டதன் காரணமாக இந்த விபத்து நேர்ந்ததாக நேரடி விசாரணைகளின் போது தெரிய வந்துள்ளது.
இந்த விபத்தில் காயமடைந்த மூவர் தியத்தலாவ ஆதார வைத்தியசாலையின் தீவிர சிகிச்சை பிரிவில் அனுமதிக்கப்பட்டுள்ளனர்.
விபத்து தொடர்பில் போகஹகும்புர பொலிஸார் விசாரணைகளை மேற்கொண்டு வருகின்றனர்.
