சவுதி மன்னர் சல்மான் அடுத்த ஆண்டில் அமெரிக்கா வருவது உறுதி செய்யப்பட்டுள்ளது என வெள்ளை மாளிகை வட்டாரங்கள் தெரிவித்துள்ளன.
அமெரிக்காவின் வெள்ளை மாளிகை வெளியிட்ட செய்தி குறிப்பில் கூறியுள்ளதாவது:
அமெரிக்க அதிபர் டொனால்ட் டிரம்ப மற்றும் சவுதி மன்னர் சல்மான் ஆகியோர் ஒப்புக் கொண்டதன் பேரில், அடுத்த ஆண்டில் சவுதி மன்னர் சல்மான் வெள்ளை மாளிகைக்கு பயணம் செய்ய உள்ளார். இந்த தகவலை இருநாட்டு அதிகாரிகளும் உறுதி செய்துள்ளனர்.
மேலும், அமெரிக்க அதிபர் டொனால்ட் டிரம்ப் சவுதி மன்னர் சல்மானுடன் தொலைபேசியில் தொடர்பு கொண்டு பேசினார். அப்போது மத்திய கிழக்கு நாடுகளில் பாதுகாப்பு மற்றும் வளர்ச்சி உள்ளிட்ட அம்சங்களில் மேற்கொள்ள வேண்டிய நடவடிக்கைகள் குறித்து இருவரும் ஆலோசனை நடத்தினர்.இவ்வாறு அந்த அறிக்கையில் கூறப்பட்டுள்ளது.
