இலங்கை மற்றும் இந்திய அணிகளுக்கிடையில் நேற்று இடம்பெற்ற ஒற்றை 20க்கு20 கிரிக்கட் போட்டியிலும் இந்திய அணி 7 விக்கட்டுக்களால் வெற்றி பெற்றது.
கொழும்பு ஆர்.பிரேமதாஸ மைதானத்தில் இடம்பெற்ற இந்த போட்டியில் முதலில் துடுப்பாடிய இலங்கை அணி 20 ஓவர்கள் நிறைவில் 7 விக்கட்டுக்களை இழந்து 170 ஓட்டங்களை பெற்றது.
இலங்கை அணி சார்பில் துடுப்பாட்டத்தில் டில்சான் முனவீர 53 ஓட்டங்களை அதிகபட்சமாக பெற்று கொடுத்தார்.
இதனை தொடர்ந்து துடுப்பாடிய இந்திய அணி 19.2 ஓவர்கள் நிறைவில் 3 விக்கட்டுக்களை மாத்திரம் இழந்து 174 ஓட்டங்களை பெற்று வெற்றி அடைந்தது.
இந்திய அணி சார்பில் துப்பாட்டத்தில், அணித்தலைவர் விராட் கோலி 82 ஓட்டங்களை பெற்று கொடுத்தார்.
முன்னதாக இந்திய அணியினால் இலங்கைக்கு எதிரான டெஸ்ட் கிரிக்கட் தொடர் மற்றும் ஒருநாள் கிரிக்கட் தொடர் ஆகியன முழுமையாக கைப்பற்றப்பட்டிருந்த நிலையில், நேற்று இடம்பெற்ற 20க்கு 20 போட்டியையும் இந்திய அணி வெற்றிக்கொண்டது.
இதற்கமைய இலங்கை சுற்றுலாவின் தொடர் முழுவதுமாக இந்திய அணி கைப்பற்றியுள்ளது.
நேற்றை போட்டி இலங்கை அணிக்கு 9வது தொடர் தோல்வியாக பதிவானமையும் குறிப்பிடத்தக்கது.
