வாக்காளர் பெயர்ப் பட்டியல் மேன்முறையீட்டுக்கான கால அவகாசம் நாளை 6ஆம் திகதி நிறைவடையவுள்ளது. நாளைய தினத்துடன் வாக்காளர் பெயர்ப் பட்டியலுக்கு கையொப்பம் இடப்பட்டு இறுதி செய்யப்படும். அதன் பின்னர் எந்தவொரு சந்தர்ப்பத்திலும் பெயர்களை உள்ளடக்க முடியாது என தேர்தல் செயலகம் அறிவித்துள்ளது.
2017 ஆம் ஆண்டுக்கான வாக்காளர் பெயர் பட்டியலில் தங்கள் பெயர்கள் இல்லையாயின் நாளைய தினத்துக்குள் அதனை சரிசெய்து கொள்ளுமாறு வலியுறுத்தப்பட்டுள்ளது.
2017 ஆம் ஆண்டுக்கான வாக்காளர் பட்டியல் தயாரிக்கப்பட்டுள்ள நிலையில் இந்த பெயர் பட்டியல் தேர்தல்கள் ஆணைக்குழுவின் உத்தியோகபூர்வ இணையத் தளத்தில் வெளிப்படுத்தப்பட்டுள்ளது.
இதன்படி புதிய வாக்காளர் பெயர் பட்டியலில் உங்களின் பெயர்கள் உள்ளனவா என்பதை உறுதிப்படுத்தி கொள்ளுமாறு தெரிவிக்கப்பட்டுள்ளது. குறிப்பாக கொழும்பு நகரிலும் மேல் மாகாணத்தின் சில பகுதிகளிலும், ஏனைய நகர மற்றும் கிராமங்களிலும் வாக்காளர் பதிவுகள் குறைவடைந்து காணப்படுவதாக சில ஆய்வுகளின் மூலமாக தெரிவிக்கப்பட்டுள்ளது.
ஆகவே உடனடியாக மக்கள் மறு பரிசீலனை செய்து தமது பெயர்கள் உள்ளனவா என்பதை உறுதிபடுத்திக் கொள்ள வேண்டும் என ஆரம்பத்தில் இருந்தே தேர்தல்கள் திணைக்களம் வலியுறுத்தி வந்துள்ளது. இந்நிலையில் வாக்காளர் பெயர் பட் டியல் மேன்முறையீட்டுக்கான கால அவகாசம் நாளை 6ஆம் திகதி நிறைவடையவுள்ளது. நாளைய தினத்துடன் வாக்காளர் பெயர்ப் பட்டியலுக்கு கையொப்பம் இடப்பட்டு இறுதி செய்யப்படும். அதன் பின்னர் எந்தவொரு சந்தர்ப்பத்திலும் பெயர்களை உள்ளடக்க முடியாது எனவும் , 2017 ஆண்டுக்கான வாக்காளர் பெயர்ப் பட்டியலில் தங்கள் பெயர்கள் இல்லையாயின் நாளைய தினங்களுக்குள் அதனை சரிசெய்து கொள்ளுமாறு தேர்தல் செயலகம் வலியுறுத்தப்பட்டுள்ளது.
தேர்தலுக்கான பெயர்ப் பட்டியலில் பெயர்கள் உறுதிப்படுத்தப்பட்டுள்ள நபர்களுக்கு மட்டுமே எதிர்வரும் தேர்தலில் வாக்களிக்க இடமளிக்கப்படும். ஆகவே பெயர் பதியப்படாத நபர்கள் உடனடியாக தேர்தல் காரியாலயத்தில் அறிவித்து பெயர்களை உறுதிப்படுத்திக் கொள்ள வேண்டியது உங்களின் பொறுப்பாகும்.
உடனடியாக இது பற்றி தேர்தல் காரி யாலயத்திற்கு அறியத் தர முடியும். தேர்தல் குறித்து மேலதிக தகவல்களை பெற்றுக்கொள்ள தேர்தல்கள் ஆணையகத் தின் உத்தியோகபூர்வ இணையத் தளத்தில் அறிந்துகொள்ள முடியும் எனவும் வலியு றுத்தப்படுகின்றது.
