பெண்ணின் தங்க சங்கிலியை கொள்ளையடித்த நபர் கைது

காலி நகரில் வீதியில் பயணித்து கொண்டிருந்த பெண்ணொருவரின் தங்க சங்கிலியை கொள்ளையடித்து சென்ற நபரை காலி காவல்துறை கைது செய்துள்ளது.

நேற்று மாலை வீதியில் பயணித்து கொண்டிருந்த பெண்ணின் கண்களில் மிளகாய் பொடியை தூவி விட்டு அவரின் கழுத்தில் இருந்த தங்க சங்கிலி கொள்ளையடிக்கப்பட்டுள்ளதாக காவல்துறை தெரிவித்துள்ளது.

கைது செய்யப்பட்டுள்ள சந்தேக நபர் காலி பிரதேசத்தை சேர்ந்த 48 வயதான நபரொருவர் என காவல்துறை மேலும் குறிப்பிட்டுள்ளது.

சந்தேக நபர் இன்று காலி நீதவான் நீதிமன்றத்தில் முன்னிலைப்படுத்தப்படவுள்ளார்.