பாதாள உலகத்தை சேர்ந்தவர் குத்திக்கொலை

பாணந்துறை கடல் கரையில் பாதாள உலகத்தை சேர்ந்த ஒருவர் கூரிய ஆயுதத்தினால் தாக்கப்பட்டு கொலை செய்யப்பட்டுள்ளார்.

நேற்று பிற்பகலில் இரு தரப்பினருக்கு இடையில் இடம்பெற்ற மோதலில் இவர் கொல்லப்பட்டிருக்கலாம் என காவல்துறையினர் சந்தேகம் வெளியிட்டுள்ளனர்.

காவல்துறையினர் மேற்கொண்டுள்ள விசாரணைக்கு அமைய, கொல்லப்பட்ட பாதாள உலகத்தவரது ஆதரவாளர்களுக்கும் மற்றும் ஒரு குழுவினருக்கும் இடையில் நீண்ட காலமாக முறுகல் நிலையில் இருந்துள்ளமை தெரியவந்துள்ளது.

இந்த மோதலின் விளைவாக குறித்த பாதாள உலக உறுப்பினர் கொல்லப்பட்டிருக்கலாம் என சந்தேகம் வெளியிடப்பட்டுள்ளது.

கொல்லப்பட்ட பத்தா என்று அழைக்கப்படும் பாதாள உலகத்தவர் பாணந்துரை பகுதியில் கப்பம் பெறுதல் உள்ளிட்ட பல்வே குற்றச் செயல்களுடன் தொடர்புடையவர்கள் என தெரிவிக்கப்படுகின்றது.

சம்பவத்துடன் தொடர்புடையவர்களாக கருதப்படுகின்றவர்கள் தலைமறைவாகியுள்ள நிலையில் அவர்களை கைதுசெய்வதற்கான நடவடிக்கைகளை காவல்துறையினர் மேற்கொண்டுவருவதாக தெரிவிக்கப்படுகின்றது.