சுதந்திரக் கட்சியின் 66 ஆவது நிறைவாண்டு கொண்டாடப்பட்டுவரும் நிலையில் ஸ்ரீலங்கா சுதந்திரக்கட்சியின் தாம் உட்பட்ட சிலர் கட்சியில் இருந்து புறந்தள்ளப்பட்டுள்ளதாக நாடாளுமன்ற உறுப்பினர் மகிந்த ராஜபக்ஷ தெரிவித்துள்ளார்.
காலியில் நேற்று இடம்பெற்ற நிகழ்வொன்றில் அவர் இதனை தெரிவித்தார்.
ஸ்ரீலங்கா சுதந்திரக் கட்சி எஸ் டபிள்யு ஆர் டி பண்டாரநாயக்கவுடன் இணைந்து தமது தந்தை டி ஏ ராஜபக்ஷ கட்டியெழுப்பியதாக தெரிவித்த மகிந்த ராஜபக்ஷ, அதன் பொற்காலம் தமது தலைமையிலேயே நிலவியதாக குறிப்பிட்டுள்ளார்.
தற்போது ஸ்ரீலங்கா சுதந்திரக் கட்சியின் சிலர் கட்சியில் இருந்து புறந்தள்ளப்பட்டுள்ள நிலையில், தற்போது புதிய கடசிகள் உருவாக்கப்பட்டுவருவதாக குறிப்பிட்டுள்ளார்.
