தென்னாபிரிக்காவின் ஜனாதிபதி ஜெகோப் சுமா நேற்று இரவு 12மணியளவில் கட்டுநாயக்க விமானநிலையத்திற்கு வருகைத் தந்துள்ளார்.
தென்னாபிரிக்க ஜனாதிபதி உள்ளிட்ட குழுவினர் சீனாவில் நடைபெறும்’பிரிக்ஸ்’மாநாட்டில் கலந்துக் கொள்வதற்காக சீனாவிற்கு சென்ற வழியில் கட்டுநாயக்க விமானநிலையத்தில் தமது விமானத்தை தரையிறக்கியுள்ளனர்.
சுமார் ஒன்றரை மணித்தியாலயங்கள் இவர் கட்டுநாயக்க விமானநிலையத்தில் தங்கியிருந்தார்.
விமானத்திற்கான எரிபொருள் மற்றும் உணவிற்காக இவ்வாறு தென்னாபிரிக்க ஜனாதிபதி பயணித்த விமானம் கட்டுநாயக்க விமானநிலையத்தில் தரையிறக்கப்பட்டதாக விமானநிலையத் தகவல்கள் தெரிவித்துள்ளன.
மேலும் இன்று அதிகாலை 1.40 மணியளவில் தென்னாபிரிக்க ஜனாதிபதி ஜேகொப் உள்ளிட்ட குழுவினர் மீண்டும் சீனா நோக்கி புறப்பட்டுள்ளதாக குறிப்பிடப்பட்டுள்ளது.
