கோப்பாய் ஆசிரிய கலாசாலையில் ஈராண்டு பயிற்சியை மேற்கொள்வதற்காக 2017/2018 கல்வியாண்டிற்கான ஆசிரிய மாணவர்களின் பெயர் விபரங்கள் கோப்பாய் ஆசிரிய கலாசாலைக்கு கிடைக்கப்பட்டுள்ளன.
அந்த வகையில் தெரிவு செய்யப்பட்டவர்களுக்கான பதிவுகள் எதிர்வரும் செப்டெம்பர் மாதம் 6 ஆம் திகதி புதன்கிழமை ஆரம்பமாக உள்ளன என்றும் அனைவரையும் அன்றைய தினம் தங்கள் பதிவுகளை மேற்கொண்டு தொடர்ந்து பயிற்சியில் ஈடுபடும்படி அறிவிக்கப்பட்டுள்ளது.
கோப்பாய் ஆசிரிய கலாசாலைக்குத் தெரிவு செய்யப்பட்ட மாணவர்களுக்கான அனுமதிக்கடிதம் தபாலிடப்பட்டுள்ளதுடன் சம்பந்தப்பட்டவர்கள் பாடசாலை விடுகை அனுமதியோடு கலாசாலைக்கு வருகை தருமாறு கோப்பாய் ஆசிரிய கலாசாலை அதிபர் வீ.கருணலிங்கம் அறிவித்துள்ளார்.
ஆரம்பக் கல்வி, சங்கீதம், இந்து சமயம், கணிதம், விவசாயம், வர்த்தகம், விசேட கல்வி, மனைப்பொருளியல் ஆகிய பாடநெறிகளுக்கு மட்டுப்படுத்தப்பட்டுள்ள ஆசிரிய மாணவர்களே அனுமதிக்கப்பட்டுள்ளமை குறிப்பிடத்தக்கது.
