அனைத்து பள்ளிகளிலும் கழிவறைகள்

அனைத்து பள்ளிகளிலும் கழிவறைகள் கட்டப்பட்டுள்ளதாக சட்டப்பேரவையில் ஓ.பன்னீர்செல்வம் தெரிவித்துள்ளார்.
சட்டப்பேரவையில் திமுக உறுப்பினர் ஆஸ்டின், அரசுப் பள்ளிகளில் கழிவறைகள் அமைப்பது பற்றி குற்றச்சாட்டுகளைத் தெரிவித்தார்.
கழிவறை இல்லாத 2 ஆயிரத்து 57 பள்ளிகளில் கழிவறைகள் கட்டப்பட்டு, அரசுப் பள்ளிகளில் 100 சதவீதம் கழிவறைகள் கட்டப்பட்டுள்ளதை கடந்த 2014இல் முதல்வர் ஜெயலலிதா தெரிவித்தார்.
அரசுப் பள்ளிகளில் மாணவர்களுக்கும், மாணவிகளுக்கும் தனித்தனியாக கழிவறைகள் இல்லாத 5 ஆயிரத்து 720 பள்ளிகள் கண்டறியப்பட்டு கழிவறைகள் கட்டப்பட்டுள்ளன.
தற்போது மாணவ, மாணவிகளின் எண்ணிக்கைக்கு ஏற்ப கூடுதல் கழிவறைகள் கட்டப்பட்டு வருகின்றன.
நடப்பாண்டில் 4 ஆயிரத்து 339 கூடுதல் கழிப்பறைகள் கட்ட 59 கோடியே 25 லட்சம் ஒதுக்கப்பட்டுள்ளதாகவும் அமைச்சர் ஓ.பன்னீர்செல்வம் குறிப்பிட்டுள்ளார்.