மன்னார் – பேசாளை பகுதியில், ஒருவரிடமிருந்து தங்கப் பாளங்களை கொள்ளையடித்த இரண்டு காவற்துறை அலுவலர்கள் உட்பட 6 பேர் கைதுசெய்யப்பட்டுள்ளனர்.60 லட்சம் ரூபா பெறுமதியான 16 தங்கப் பாளங்களை கடந்த 28 ஆம் திகதி அவர்கள் கொள்ளையடித்ததாக காவல்துறையினர் குறிப்பிட்டுள்ளனர்.
சம்பவம் தொடர்பாக முன்னதாக கைதுசெய்யப்பட்டிருந்த 4 பேரும் எதிர்வரும் 17 ஆம் திகதிவரை விளக்கமறியலில் வைக்கப்ட்டுள்ளனர்.
இந்த நிலையில், காவல்துறை அலுவலர்கள் இரண்டு பேர் நேற்று கைதுசெய்யப்பட்டுள்ளனர்.
அவர்கள், மன்னார் நீதிமன்றில் இன்று முன்னிலைப்படுத்தப்பட உள்ளனர்.
கைதுசெய்யப்பட்டவர்களிடமிருந்து, 13 தங்கப் பாளங்கள், 4 தங்கச் சங்கிலிகள் உள்ளிட்ட ஆபரணங்கள் மற்றும் ஒரு லட்சத்து 25 ஆயிரம் ரூபாவும் கைப்பற்றப்பட்டுள்ளதாக காவல்துறையினர் குறிப்பிட்டுள்ளனர்.
