சிறந்த மனநிலையுடன், பிள்ளைகளுக்கு நல்ல கல்வியை வழங்குவதற்காக ஆசிரியர்களுக்கு வழங்கப்பட வேண்டிய அனைத்து வசதிகளையும் குறையின்றி முழுமையாக வழங்குவதாக ஜனாதிபதி மைத்திரிபால சிறிசேன கூறினார்.
பிள்ளைகளுக்கு கல்வியை வழங்கி அவர்களை அறிவுள்ளவர்களாக்குவதற்கு அதிபர்கள் மற்றும் ஆசிரியர்கள் செய்யும் அர்ப்பனிப்பை ஒருபோதும் சம்பளத்துடன் வரையறுக்க முடியாது என்று ஜனாதிபதி கூறியுள்ளார்.
அநுராதபுரம் வலிசிங்க, ஹரிச்சந்திர மகா வித்தியாலயத்தில் புதிதாக கட்டப்பட்ட கட்டிடத்தை திறந்து வைக்கும் நிகழ்விலேயே ஜனாதிபதி இவ்வாறு உரையாற்றியுள்ளார்.
இதேவேளை அநுராதபுரம் பிரதேசத்தில் உள்ள மற்றொரு பாடசாலையில் இடம்பெற்ற நிகழ்வில் உரையாற்றிய ஜனாதிபதி, பிள்ளைகள் உலகை வெல்வதற்கான சந்தர்ப்பத்தை உருவாக்குவதற்கு அரசாங்கம் முடிந்தளவு வசதிகளை ஏற்படுத்திக் கொடுக்கும் என்று கூறினார்.
