வவுனியா, செட்டிக்குளம் மெனிக்பார்ம் பகுதியில் பஸ் ஒன்று ரயிலுடன் மோதிய விபத்தில் 05 பேர் காயமடைந்துள்ளதாக எமது செய்தியாளர் கூறினார்.
கொழும்பில் இருந்து மன்னார் நோக்கிச் சென்ற புகையிரதத்துடன் இலங்கை போக்குவரத்துச் சபைக்கு சொந்தமான பஸ் ஒன்று மோதியதில் விபத்து இடம்பெற்றுள்ளது.
விபத்தில் பஸ்ஸின் சாரதி உள்ளிட்ட 05 பேர் காயமடைந்துள்ளனர். விபத்தில் காயமடைந்தவர்கள் செட்டிக்குளம் வைத்தியசாலையில் அனுமதிக்கப்பட்டுள்ளதுடன், பஸ் சாரதியின் நிலை கவலைக்கிடமாக உள்ளதாக தெரிவிக்கப்பட்டுள்ளது.
