அனைத்து பல்கலைக்கழக மாணவர் ஒன்றியத்தினால் முன்னெடுக்கப்பட்டுள்ள பேரணி காரணமாக, கொழும்பு ஓல்கொட மாவத்தை பகுதியில் கடும் போக்குவரத்து நெரிசல் ஏற்பட்டுள்ளது.
மாலபே தனியார் மருத்துவ கல்லூரியை மூடல் உள்ளிட்ட பல கோரிக்கைகளை முன்வைத்து அனைத்து பல்கலைகழக மாணவர் ஒன்றியம் ஆரம்பித்துள்ள ஆர்ப்பாட்ட பேரணி இன்று கொழும்பை வந்தடைந்துள்ளது.
கடவத்தையில் இன்றைய தினம் ஆரம்பமான இந்த ஆர்ப்பாட்ட பேரணி கொழும்பு கோட்டையை வந்தடையவுள்ளது.
கண்டியில் இருந்து கடந்த திங்கட்கிழமை ஆரம்பிக்கப்பட்ட இந்த ஆர்ப்பாட்ட பேரணி, நேற்று கடவத்தையுடன் நிறுத்தப்பட்டது.
இதேவேளை, மாலபே தனியார் மருத்துவ கல்லூரிக்கு எதிர்ப்பு தெரிவித்து முன்னெடுக்கப்படும் போராட்டங்களின் போது, அரச அலுவலகங்களுக்குள் பிரவேசித்தல் மற்றும் போக்குவரத்துக்கு இடையூறு விளைவித்தல் என்பவற்றுக்கு எதிராக நீதிமன்றம் தடையுத்தரவு பிறப்பித்துள்ளமை குறிப்பிடத்தக்கது.
