கையூட்டல் பெற்றுக்கொள்ள முற்பட்ட பெல்மடுல் காவல்நிலையத்தைச் சேர்ந்த காவல்துறை அலுவலர் ஒருவர் கைது செய்யப்பட்டுள்ளாரகையூட்டல் மற்றும் மோசடி ஒழிப்பு விசாரணை ஆணைக்குழுவினால் அவர் நேற்று கைது செய்யப்பட்டுள்ளார்.
முச்சக்கர வண்டி ஒன்று விபத்துக்குள்ளானதன் பின்னர் அதற்கு எதிராக சட்டமுறைப்படி நடவடிக்கை மேற்கொள்ளாதிருக்கும் பொருட்டு குறித்த காவல்துறை அலுவலர் 6 ஆயிரம் ரூபாய் பணத்தை லஞ்சமாக பெற்றுக்கொண்டதாக தெரிவிக்கப்படுகிறது.
குறித்த பணத்தை பெறும் வரையில் சாரதியின் தேசிய அடையாள அட்டையையும் சாரதி அனுமதி பத்திரத்தையும் சந்தேக நபர் பெற்றுக்கொண்டுள்ளார்.
பின்னர் குறித்த சாரதி அது தொடர்பில் மேற்கொள்ளப்பட்ட முறைப்பாட்டின் அடிப்படையில் கையூட்டல் மற்றும் மோசடி ஒழிப்பு விசாரணை ஆணைக்குழு அவரை கைது செய்துள்ளது.
