மீரிகம பிரதேசத்திலுள்ள தனியார் வங்கி ஒன்றில் துப்பாக்கி முனையில் பணம் கொள்ளையிடப்பட்ட சம்பவம் தொடர்பில் மூன்று பேர் நேற்று கைது செய்யப்பட்டுள்ளனர்.
காவற்துறை ஊடக பேச்சாளர் காரியாலயம் இதனை தெரிவித்துள்ளது.
கைது செய்யப்பட்டவர்களிடமிருந்து ரி 56 ரக துப்பாக்கி, கொள்ளை நடவடிக்கைகளுக்காக பயணித்த உந்துருளி மற்றும் பணம் என்பன கைப்பற்றப்பட்டுள்ளன.
கைது செய்யப்பட்டவர்கள் ஹோமாகம, பன்னிபிட்டிய மற்றும் அத்துருகிரிய ஆகிய பகுதிகளை சேர்ந்தவர்கள் என தெரிவிக்கப்பட்டுள்ளது.
கடந்த 26 ஆம் திகதி இடம்பெற்ற கொள்ளை சம்பவத்தின் போது 18 லட்சம் ரூபா பணம் கொள்ளையிடப்பட்டிருந்தமை குறிப்பிடதக்கது.
