அரநாயக்க தோதல்ஓயா நீர்வீழ்ச்சியை பார்வையிடச் சென்று செல்பி எடுக்க முற்பட்ட இளைஞர் ஒருவர் கீழே விழுந்து உயிரிழந்துள்ளார்.
இவ்வாறு உயிரிழந்துள்ளவர் அம்பாறை பிரதேசத்தை சேர்ந்த சேனக மதுரங்க என்ற இளைஞர் என தெரியவந்துள்ளது.
இந்த இளைஞர் மேலும் சில நண்பர்களுடன் தோதல்ஓயா நீர்வீழ்ச்சியை பார்வையிட சென்ற போது அங்கிருந்த பாலம் ஒன்றின் அருகில் இருந்து செல்பி எடுக்க முற்பட்ட போது அங்கிருந்து கீழே விழுந்து படுகாயமடைந்து உயிரிழந்துள்ளதாக காவற்துறை தெரிவித்துள்ளது.
செல்பி எடுக்கப்பட்டுள்ள இடம், அதிக வழுக்கலான பகுதி என காவற்துறை மேலும் தெரிவித்துள்ளது.
