மதவாச்சி பூணாவை பகுதியில் நேற்று மாலை இடம்பெற்ற விபத்தில் மதகுரு உட்பட இருவர் பலியானதுடன், மேலும் 10 பேர் காயமடைந்துள்ளனர் என மதவாச்சி பொலிஸார் தெரிவித்தனர்.
மதவாச்சி பகுதியில் இருந்து வவுனியா நோக்கி வந்த வேன் எதிர் திசையில் வந்த முச்சக்கரவண்டியுடன் மோதுண்டதிலேயே இவ் விபத்து ஏற்பட்டுள்ளது.
இதன்போது முச்சக்கரவண்டி சாரதியும், இதில் பயணம் செய்த பௌத்த மதகுருவொருவரும் ஸ்தலத்தில் பலியாகியதுடன், வேனில் பயணித்த 10 பேர் காயமடைந்து வவுனியா பொது வைத்தியசாலையில் அனுமதிக்கப்பட்டுள்ளனர்.
இவ் விபத்து தொடர்பான விசாரணைகளை மதவாச்சி பொலிஸார் மேற்கொண்டு வருகின்றனர்.
