வவுனியா தெற்கு கல்வி வலயத்திற்குட்பட்ட செட்டிகுளம் இலுப்பைக்குளம் அடைக்கல அன்னை வித்தியாலய மாணவர்கள், பாடசாலைக்கு போதுமான ஆசிரியர்களை நியமிக்குமாறு கோரி இன்று ஆர்ப்பாட்டத்தில் ஈடுபட்டனர்.
சாதாரண தரம் வரை உள்ள இப்பாடசாலையில் ஆசிரியர்கள் பற்றாக்குறையை நிவர்த்தி செய்ய வேண்டும், பௌதீக வளங்களையும் தர வேண்டும் போன்ற கோரிக்கையை முன் வைத்தது முன்னெடுக்கப்பட்ட போராட்டத்திற்கு பெற்றோர்களுமு; ஆதரவு வழங்கியுள்ளனர்.
பாடசாலையின் முன்பாக ஆர்ப்பாட்டத்தில் ஈடுபட்டவர்கள், தமது கல்வி நிலை பாதிக்கப்படுவதாகவும் சாதாரண தரப் பரீட்சையில் தோற்றும் மாணவர்கள் ஆசியார் வளம் இன்றி கற்றல் செயற்பாட்டை முன்னெடுக்க முடியாதுள்ளதாகவும் தெரிவித்தனர்.
தொழில் நுட்ப வளர்ச்சி அடைந்த நிலையில், தொழில்நுட்பம் தொடர்பான எவ்வித கல்வியும் இன்றி தாம் உள்ளதாகவும் மாணவர்கள் தெரிவித்ததுடன், தமக்கான ஆசிரியர்களை நியமிக்க வேண்டும் எனவும் கோரிக்கை விடுத்துள்ளனர்.
இதேவேளை தமது பிள்ளைகளின் கல்வி மிகவும் மோசமாக பாதிக்கப்படுவதாக பெற்றோர் தெரிவித்துள்ளனர்.
ஆர்ப்பாட்டம் இடம்பெற்ற இடத்திற்கு சென்ற செட்டிகுளம் கோட்டக்கல்வி அதிகாரி, ஆர்ப்பாட்டத்தில் ஈடுபட்டவர்களுடன் கலந்துரையாடினார்.
எனினும் ஆர்ப்பாட்டக்காரர்கள் போராட்டத்தை கைவிடாத நிலையில் வட மாகாண சபை உறுப்பினர் செ.மயூரன் சம்பவ இடத்திற்கு சென்று கலந்துரையடியிருந்தார்.
அதனைத்தொடர்ந்து போராட்டத்தை நிறுவத்திக்கொண்ட மாணவர்களும் பெற்றோர்களும், நாளை மீண்டும் தமது போராட்டம் தொடரும் எனவும் தெரிவித்துள்ளனர்.
