அம்பலந்தொட்ட – மாமடல பிரதேசத்தில் நபரொருவரை துப்பாக்கியால் சுட்டு கொலை செய்த சம்பவம் தொடர்பில் 3 சந்தேக நபர்கள் கைது செய்யப்பட்டுள்ளனர்.
தங்காலை குற்றத் தடுப்பு பிரிவால், அம்லாந்தொட்ட – சமாதிகம பிரதேசத்தில் வைத்து நேற்று இவர்கள் கைது செய்யப்பட்டுள்ளதாக காவற்துறை தெரிவித்துள்ளது.
சந்தேக நபர்கள் 26, 38 மற்றும் 49 வயதுகளையுடைய லுனம பிரதேசத்தை சேர்ந்தவர்கள் என தெரியவந்துள்ளது.
கடந்த மாதம் 15 ஆம் திகதி இடம்பெற்ற இந்த துப்பாக்கி பிரயோகத்தில் மேலும் 3 பேர் காயமடைந்தமை குறிப்பிடத்தக்கது
