2025 ஆம் ஆண்டு ஏப்ரல் மாதம் 01 ஆம் திகதி முதல் குடிநீர் போத்தலுக்கான அதிகபட்ச சில்லறை விலையை நிர்ணயித்து நுகர்வோர் விவகார அதிகார சபையினால் வர்த்தமானி அறிவித்தல் வெளியிடப்பட்டுள்ளது.
இதற்கமைய, 500 மில்லி லீற்றர் முதல் 999 மில்லி லீற்றர் குடிநீர் போத்தல் ஒன்றின் விலை 70 ரூபாவாக நிர்ணயிக்கப்பட்டுள்ளது.
1 லீற்றர் முதல் 1,499 மில்லி லீற்றர் குடிநீர் போத்தல் ஒன்றின் விலை 100 ரூபாவாகவும், 1.5 லீற்றர் முதல் 1,999 மில்லி லீற்றர் குடிநீர் போத்தல் ஒன்றின் விலை 130 ரூபாவாகவும் நிர்ணயிக்கப்பட்டுள்ளது.
2 லீற்றர் முதல் 2, 499 மில்லி லீற்றர் குடிநீர் போத்தல் ஒன்றின் விலை 160 ரூபாவாகவும், 5 லீற்றர் முதல் 6.999 லீற்றர் குடிநீர் போத்தல் ஒன்றின் விலை 350 ரூபாவாகவும் நிர்ணயித்து நுகர்வோர் விவகார அதிகார சபையினால் வர்த்தமானி அறிவித்தல் வெளியிடப்பட்டுள்ளது.
