யாழ்ப்பாண பல்கலைக்கழகத்தின் எட்டாவது துணைவேந்தராக பேராசிரியர் இரட்ணம் விக்னேஸ்வரன் இன்று பதவியேற்றுக் கொண்டார்
இன்று காலை யாழ்ப்பாண பல்கலைக்கழகத்தில் அமைந்துள்ள பரமேஸ்வரன் ஆலயத்தில் நடைபெற்ற விசேட பூசை வழிபாட்டில் கலந்து கொண்ட பின்னர் உத்தியோக பூர்வமாக பேராசிரியர் இரட்ணம் விக்னேஸ்வரன் பதவியேற்றுக் கொண்டார்.
யாழ்ப்பாண பல்கலைக்கழகத்தின் எட்டாவது துணைவேந்தருக்கான தேர்தல் கடந்த பெப்ரவரி மாதம் 26ஆம் திதி நடைபெற்றது.
இத்தேர்தலில் பேராசிரியர்களான ஸ்ரீ சற்குணராஜா, வேல்நம்பி, விக்னேஸ்வரன் ஆகியோர் தெரிவு செய்யப்பட்டனர்.
தெரிவு செய்யப்பட்டவர்களின் பெயர் பட்டியல் பல்கலைக்கழக மானியங்கள் ஆணைக்குழுவிற்கு அனுப்பி வைக்கப்பட்ட நிலையில், ஜனாதிபதி மைத்திரிபால சிறிசேனவினால் யாழ்ப்பாண பல்கலைக்கழகத்தின் 8ஆவது துணைவேந்தராக பேராசிரியர் இரட்ணம் விக்னேஸ்வரன் தெரிவு செய்யப்பட்டு இன்றைய தினம் பதவியேற்றுக் கொண்டார்.
குறித்த நிகழ்வில் யாழ்ப்பாணப் பல்கலைக்கழகத்தின் முன்னாள் துணைவேந்தர் பேராசிரியர் வசந்தி அரசரட்ணம், பேராசிரியர்கள், பல்கலைக்கழக விரிவுரையாளர்கள், மாணவர்கள் எனப்பலரும் கலந்து கொண்டனர்.
