நல்லதண்ணி காவற்துறைக்கு உட்பட்ட லக்ஷான தோட்டத்தில் வாழமலை தோட்ட தேயிலை தொழிற்சாலைக்கு அருகில் உள்ள பாதையில் இன்று அதிகாலை நபரொருவரின் சடலம் காவற்துறையால் மீட்கப்பட்டுள்ளது.
கூரிய ஆயுதத்தால் தாக்கப்பட்டு கொலை செய்யப்பட்ட நபரொருவரின் சடலமே இவ்வாறு மீட்கப்பட்டுள்ளது.
இவ்வாறு கொலை செய்யப்பட்டுள்ளவர் நல்லதண்ணி – சிவனொளி பாத மலை வீதியில் பிரதான பாலத்திற்கு அருகில் வசித்து வந்த 45 வயதான இரண்டு பிள்ளைகளின் தந்தை என தெரியவந்துள்ளது.
சடலம் தொடர்பான நீதவான் பரிசோதனை இன்று இடம்பெறவுள்ளது.
சம்பவம் தொடர்பில் காவற்துறை விசாரணைகளை முன்னெடுத்துள்ளது.
