ஐந்தம் தர புலமைப்பரிசில் பரீட்சை வினாத்தாளில் பகுதி I வினாத்தாளில் மூன்று கேள்விகள் கசியவிட்ட சம்பவம் தொடர்பான விசாரணைகளின் விரிவான தகவல்கள் அடங்கிய இரகசிய அறிக்கையை குற்றப் புலனாய்வு திணைக்கள பணிப்பாளர் உயர் நீதிமன்றில் வியாழக்கிழமை (19) கையளித்துள்ளார்.
செப்டம்பர் 15ஆம் திகதி நடைபெற்ற 5 வருட புலமைப்பரிசில் பரீட்சையின் பகுதி I வினாத்தாளை இரத்து செய்து அதற்கான பரீட்சையை மீண்டும் நடத்துமாறு பரீட்சைகள் ஆணையாளர் நாயகத்திற்கு இடைக்காலத் தடையுத்தரவு பிறப்பிக்கக் கோரி நான்கு அடிப்படை உரிமை மனுக்கள் தாக்கல் செய்யப்பட்டுள்ளன.
நீதிமன்றத்தால் விடுக்கப்பட்ட உத்தரவுக்கு அமைய, புலனாய்வுத் திணைக்களத்தின் பணிப்பாளர், சிரேஷ்ட பொலிஸ் அத்தியட்சகர் திருமதி. இமேஷா முத்துமாலி, அது தொடர்பான அறிக்கையை கையளித்தார்
இந்த மனு உயர் நீதிமன்ற நீதியரசர்களான யசந்த கோதாகொட, குமுதுனி விக்கிரமசிங்க மற்றும் அர்ஜுன ஒபேசேகர ஆகியோர் அடங்கிய அமர்வு முன் பரிசீலிக்கப்பட்டது.
ஐந்தாம் ஆண்டு புலமைப்பரிசில் பரீட்சைக்கு தோற்றிய மாணவர் குழுவொன்றின் பெற்றோர்களால் தாக்கல் செய்யப்பட்ட மனுக்களில் பரீட்சைகள் ஆணையாளர் நாயகம் உள்ளிட்ட சிலர் பிரதிவாதிகளாக குறிப்பிடப்பட்டுள்ளனர்.
புலமைப்பரிசில் பரீட்சை வினாத்தாளின் வினாக்கள் சில, முன்கூட்டியே வெளியிடப்பட்டமை தொடர்பான விசாரணைகளின் விரிவான அறிக்கையை வியாழக்கிழமை (19) காலை 9.00 மணிக்கு முன் சமர்ப்பிக்குமாறு குற்றப் புலனாய்வுத் திணைக்களத்திற்கு உயர் நீதிமன்றம் புதன்கிழமை (18) உத்தரவிட்டிருந்தது.
இது தொடர்பான அறிக்கையை ஏற்றுக்கொண்ட உயர்நீதிமன்றம், இந்த மனுக்கள் தொடர்பான தீர்ப்பு எதிர்வரும் 11ம் திகதி அறிவிக்கப்படும் என அறிவித்துள்ளது.
