வெலிக்கடை பொலிஸ் பிரிவுக்கு உட்பட்ட அங்கொடை சந்திக்கு அருகில் நேற்று திங்கட்கிழமை (16) காலை இடம்பெற்ற விபத்தில் பெண் ஒருவர் உயிரிழந்துள்ளதாக வெலிக்கடை பொலிஸார் தெரிவித்தனர்.
லொறி ஒன்று வீதியில் பயணித்த பெண் ஒருவர் மீது மோதியதில் குறித்த பெண் வீதியில் தூக்கி வீசப்பட்டு கார் ஒன்றின் மீது மோதியதில் இந்த விபத்து இடம்பெற்றுள்ளது.
விபத்தின் போது படுகாயமடைந்த பெண் கொழும்பு தேசிய வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர்.
உயிரிழந்தவர் தொடர்பில் இதுவரை எந்தவித தகவல்களும் கிடைக்கவில்லை என பொலிஸார் தெரிவித்தனர்.
இதனையடுத்து லொறியின் சாரதி பொலிஸாரால் கைது செய்யப்பட்டுள்ள நிலையில் கார் சாரதி பிரதேசத்தை விட்டு தப்பிச் சென்றுள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை வெலிக்கடை பொலிஸார் மேற்கொண்டு வருகின்றனர்.
