மாலம்பே பொலிஸ் பிரிவிற்கு உட்பட்ட ஹோகந்தர பிரதேசத்தில் நேற்று வெள்ளிக்கிழமை (13) இடம்பெற்ற விபத்தில் வயோதிபர் ஒருவர் உயிரிழந்துள்ளதாக மாலம்பே பொலிஸார் தெரிவித்தனர்.
மோட்டார் சைக்கிள் ஒன்று வீதியில் பயணித்த வயோதிபர் ஒருவர் மீது மோதியதில் இந்த விபத்து இடம்பெற்றுள்ளதாக பொலிஸார் தெரிவித்தனர்.
விபத்தின் போது படுகாயமடைந்த வயோதிபர் ஹோமாகம வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர்.
உயிரிழந்தவர் ஹோகந்தர பிரதேசத்தைச் சேர்ந்த 68 வயதுடைய வயோதிபர் ஆவார்.
இதனையடுத்து மோட்டார் சைக்கிளின் செலுத்துனர் சந்தேகத்தின் பேரில் பொலிஸாரால் கைது செய்யப்பட்டுள்ளார்.
இது தொடர்பான மேலதிக விசாரணைகளை மாலம்பே பொலிஸார் மேற்கொண்டு வருகின்றனர்.
