அத்துருகிரிய பொலிஸ் பிரிவுக்குட்பட்ட ஹபரகட சந்திக்கு அருகில் ஹெரோயின் வைத்திருந்த நபர் ஒருவரை நேற்று சனிக்கிழமை (07) பொலிஸார் கைது செய்துள்ளனர்.
அத்துருகிரிய பொலிஸ் நிலைய அதிகாரிகள் குழுவுக்கு கிடைத்த தகவலின் அடிப்படையில் மேற்கொண்ட சுற்றிவளைப்பின்போதே இவர் கைது செய்யப்பட்டுள்ளார்.
சந்தேக நபர் ஹோமாகம பிரதேசத்தைச் சேர்ந்த 42 வயதுடையவர் ஆவார்.
சந்தேக நபரிடமிருந்து 05 கிராம் 400 மில்லிகிராம் ஹெரோயின் போதைப்பொருள் பொலிஸாரால் கைப்பற்றப்பட்டுள்ளது.
இது தொடர்பான மேலதிக விசாரணைகளை அத்துருகிரிய பொலிஸார் மேற்கொண்டு வருகின்றனர்.
