பல்வேறு திருட்டு சம்பவங்களுடன் தொடர்புடைய சந்தேக நபரொருவர் போதைப்பொருளுடன் நேற்று வெள்ளிக்கிழமை (22) காலை கைது செய்யப்பட்டுள்ளதாக நவகமுவ பொலிஸார் தெரிவித்தனர்.
நவகமுவ பொலிஸாருக்கு கிடைத்த தகவலின் பேரில் நவகமுவ – தெடிகமுவ பிரதேசத்தில் சந்தேகத்திற்கிடமான முறையில் பயணித்த முச்சக்கரவண்டி ஒன்றில் மேற்கொள்ளப்பட்ட சோதனையில் சந்தேக நபர் கைது செய்யப்பட்டுள்ளார்.
கைது செய்யப்பட்டவர் தெடிகமுவ பிரதேசத்தில் வசிக்கும் 41 வயதுடையவர் ஆவார்.
சந்தேக நபரிடமிருந்து 10 கிராம் 750 மில்லிகிராம் ஐஸ் போதைப்பொருள் பொலிஸாரால் கைப்பற்றப்பட்டுள்ளது.
பல்வேறு பிரதேசங்களில் திருடப்பட்டதாகக் கூறப்படும் முச்சக்கரவண்டி, 04 கையடக்கத் தொலைபேசிகள், 02 கைக்கடிகாரங்கள் மற்றும் 02 வளையல்கள் உள்ளிட்ட பொருட்கள் சந்தேக நபரிடமிருந்து பொலிஸாரால் கைப்பற்றப்பட்டுள்ளது.
சந்தேக நபருக்கு எதிராக கடுவலை மற்றும் ஹோமாகம நீதிமன்றங்களில் 04 பிடியாணைகள் பிறப்பிக்கப்பட்டுள்ளதாக பொலிஸ் விசாரணையில் தெரியவந்துள்ளது.
இது தொடர்பான மேலதிக விசாரணைகளை நவகமுவ பொலிஸார் மேற்கொண்டு வருகின்றனர்.
