கொழும்பு , மொரட்டுவ பொலிஸ் நிலைய அதிகாரிகள் மேற்கொண்ட இரு வேறு சுற்றிவளைப்புக்களில் ஹெரோயின் போதைப்பொருளுடன் இருவர் நேற்று சனிக்கிழமை (16) கைது செய்யப்பட்டுள்ளனர்.
மொரட்டுவ பொலிஸ் பிரிவுக்குட்பட்ட லுனாவ பகுதியில் ஹெரோயின் போதைப்பொருளுடன் ஒருவர் நேற்று கைது செய்யப்பட்டுள்ளார்.
மொரட்டுவ பொலிஸ் நிலைய அதிகாரிகளுக்கு கிடைத்த தகவலின் அடிப்படையில் மேற்கொண்ட சுற்றிவளைப்பின்போதே இவர் கைது செய்யப்பட்டுள்ளார்.
சந்தேக நபர் மொரட்டுவ பிரதேசத்தை சேர்ந்த 28 வயதுடையவர் ஆவார்.
சந்தேக நபரிடம் இருந்து 05 கிராம் 210 மில்லிகிராம் ஹெரோயின் பொலிஸாரால் கைப்பற்றப்பட்டுள்ளது.
இதேவேளை, கல்கிஸ்ஸ பொலிஸ் பிரிவுக்குட்பட்ட படோவிட்ட பகுதியில் ஹெரோயின் போதைப்பொருளுடன் ஒருவர் நேற்று கைது செய்யப்பட்டுள்ளார்.
மொரட்டுவ பொலிஸ் நிலைய அதிகாரிகளுக்கு கிடைத்த தகவலின் அடிப்படையில் மேற்கொண்ட சுற்றிவளைப்பின்போதே இவர் கைது செய்யப்பட்டுள்ளார்.
சந்தேக நபர் கல்கிஸ்ஸ பிரதேசத்தை சேர்ந்த 65 வயதுடையவர் ஆவார்.
கைது செய்யப்பட்ட சந்தேக நபரிடமிருந்து 05 கிராம் 200 மில்லிகிராம் ஹெரோயின் பொலிஸாரால் கைப்பற்றப்பட்டுள்ளது.
இது தொடர்பான மேலதிக விசாரணைகளை மொரட்டுவ மற்றும் கல்கிஸ்ஸ பொலிஸார் மேற்கொண்டு வருகின்றனர்.
