கொழும்பு, கிராண்ட்பாஸ், முவதொர உயன தொடர்மாடி குடியிருப்பின் மின்தூக்கி உடைந்து வீழ்ந்ததில் நான்கு பேர் காயமடைந்துள்ளதாக கிராண்ட்பாஸ் பொலிஸார் தெரிவித்தனர்.
இந்த விபத்து நேற்று ஞாயிற்றுக்கிழமை (10) இரவு இடம்பெற்றுள்ளது.
காயமடைந்தவர்களில் சுற்றிவளைப்பு நடவடிக்கைக்காகச் சென்றிருந்த பொலிஸ் உத்தியோகத்தர் ஒருவரும் காணப்படுவதாக பொலிஸார் தெரிவித்தனர்.
கிராண்ட்பாஸ் பொலிஸ் நிலையத்தில் கடமையாற்றும் பொலிஸ் உத்தியோகத்தர் ஒருவரே இவ்வாறு காயமடைந்துள்ளார்.
காயமடைந்தவர்கள் கொழும்பு தேசிய வைத்தியசாலையில் அனுமதிக்கப்பட்டுள்ளதாக பொலிஸார் மேலும் தெரிவித்தனர்.
இது தொடர்பான மேலதிக விசாரணைகளை கிராண்ட்பாஸ் பொலிஸார் மேற்கொண்டு வருகின்றனர்.
