கொழும்பு, மருதானை பொலிஸ் பிரிவிற்கு உட்பட்ட புகையிரத குடியிருப்புக்கு முன்பாக தந்தை செலுத்திய ஜீப் வாகனத்தில் மோதி குழந்தை ஒன்று உயிரிழந்துள்ளதாக மருதானை பொலிஸார் தெரிவித்தனர்.
இந்த விபத்து நேற்று ஞாயிற்றுக்கிழமை (11) பிற்பகல் இடம்பெற்றுள்ளது.
கொழும்பு, மருதானை பிரதேசத்தில் உள்ள புகையிரத குடியிருப்பில் வசித்து வந்த 3 வயது குழந்தையே உயிரிழந்துள்ளது.
உயிரிழந்த குழந்தையின் தந்தை தனது ஜீப் வாகனத்தை வீட்டிற்கு அருகில் நிறுத்துவதற்காக பின்பக்கமாக வாகனத்தை செலுத்திய போது, பின்னால் வந்த குழந்தை வாகனத்தில் மோதியுள்ளதாக பொலிஸார் தெரிவித்தனர்.
இது தொடர்பான மேலதிக விசாரணைகளை மருதானை பொலிஸார் மேற்கொண்டு வருகின்றனர்.
