வெளிவிவகார அமைச்சர் விஜித ஹேரத் கட்டுநாயக்க விமான நிலையத்திற்கு இன்று திங்கட்கிழமை (11) பிற்பகல் விஜயம் மேற்கொண்டுள்ளார்.
இதன்போது, அமைச்சர் விஜித ஹேரத் கட்டுநாயக்க விமான நிலையத்தில் பணிபுரியும் பல்வேறு ஊழியர்களைச் சந்தித்து அவர்களுடன் கலந்துரையாடலில் ஈடுபட்டார்.
இந்த கலந்துரையாடலின் போது விமான நிலையத்தில் பணிபுரியும் ஊழியர்களின் பிரச்சினைகள் மற்றும் தேவைகள் குறித்து அதிக கவனம் செலுத்தப்பட்டது.
விமான நிலையத்தில் பணிபுரியும் பாதுகாப்பு அதிகாரிகளுக்கு வருடத்திற்கு ஒரு சீருடை மாத்திரமே வழங்கப்படுவதால் வருடத்திற்கு 3 சீருடைகளை வழங்குவதற்கு அமைச்சர் விஜித ஹேரத் நடவடிக்கை எடுத்துள்ளார்.
பின்னர், அமைச்சர் விஜித ஹேரத் கட்டுநாயக்க விமான நிலையத்தின் அனைத்து இடங்களையும் பார்வையிட்டார்.
