விசா இன்றி நாட்டில் தங்கியிருந்த வெளிநாட்டவர்கள் இருவர் கண்டி பூவெலிக்கடை பகுதியில் வைத்து கைது செய்யப்பட்டுள்ளனர்.
கண்டி சுற்றுலா பொலிஸ் பிரிவின் அதிகாரிகள் குழுவிற்கு கிடைத்த தகவலின் அடிப்படையில் முன்னெடுக்கப்பட்ட சுற்றிவளைப்பில் வீசா இன்றி நாட்டில் தங்கியிருந்த வெளிநாட்டவர்கள் இருவர் கைது செய்யப்பட்டதாக பொலிஸார் தெரிவித்தனர்.
கைது செய்யப்பட்ட சந்தேக நபர்கள் 22 மற்றும் 32 வயதான இத்தாலி மற்றும் பிரித்தானிய பிரஜைகள் என தெரிவிக்கப்பட்டுள்ளது.
சம்பவம் தொடர்பில் கண்டி பொலிஸார் மேலதிக விசாரணைகளை மேற்கொண்டு வருகின்றனர்
