அங்குனுகொலபெலஸ்ஸ சிறைச்சாலையில் தடுத்து வைக்கப்பட்டுள்ள கைதி ஒருவருக்கு மிகவும் சூட்சுமமான முறையில் போதைப்பொருளைக் கொண்டு சென்றதாக கூறப்படும் பெண் ஒருவர் கைது செய்யப்பட்டுள்ளதாகச் சிறைச்சாலை ஆணையாளர் காமினி பீ.திஸாநாயக்க தெரிவித்துள்ளார்.
இது தொடர்பில் தெரியவருவதாவது,
சந்தேக நபரான பெண் கைதி ஒருவரை சந்திப்பதற்காக அங்குனுகொலபெலஸ்ஸ சிறைச்சாலைக்குச் சென்றுள்ளார்.
இதன்போது சிறைச்சாலை அதிகாரிகளால் மேற்கொள்ளப்பட்ட சோதனையில், சந்தேக நபர் அணிந்திருந்த உடையில் மிகவும் சூட்சுமமான முறையில் மறைத்து வைக்கப்பட்டிருந்த கையடக்கத் தொலைபேசி மற்றும் புகையிலை என்பன கைப்பற்றப்பட்டுள்ளன.
இதனையடுத்து, கைது செய்யப்பட்ட பெண் மேலதிக விசாரணைகளுக்காக அங்குனுகொலபெலஸ்ஸ பொலிஸ் நிலையத்தில் ஒப்படைக்கப்பட்டுள்ளார்.
