ஒன்றரை கிலோ கிராம் அம்பர் ( திமிங்கலத்தின் வாந்தி) தொகையுடன் இரண்டு சந்தேக நபர்கள் இன்று (23) அதிகாலை கைதுசெய்யப்பட்டுள்ளதாக பெந்தோட்டை பொலிஸார் தெரிவித்தனர்.
பொலிஸாருக்கு கிடைத்த தகவலின் பேரில் பெந்தோட்டை பிரதேசத்தில் மேற்கொள்ளப்பட்ட சுற்றிவளைப்பில் சந்தேக நபர்கள் கைது செய்யப்பட்டுள்ளனர்.
கிரிந்திவெல மற்றும் பியகம ஆகிய பிரதேசங்களைச் சேர்ந்த 31 மற்றும் 28 வயதுடைய இருவரே கைது செய்யப்பட்டுள்ளனர்.
கைப்பற்றப்பட்ட அம்பர் தொகையின் மொத்த பெறுமதி ஒரு கோடியே 60 இலட்சம் ரூபா ஆகும்.
இது தொடர்பான மேலதிக விசாரணைகளை பெந்தோட்டை பொலிஸார் மேற்கொண்டு வருகின்றனர்.
