லெபனான் தலைநகர் பெய்ரூட்டில் மருத்துவமனையொன்றிற்கு அருகில் இஸ்ரேல் மேற்கொண்ட தாக்குதலில் 13 பேர் கொல்லப்பட்டுள்ளனர்.
ரபிக் ஹரீரி பல்கலைகழக மருத்துவமனையின் வாகனத்தரிப்பிடத்தின் மீது தாக்குதல் இடம்பெற்றுள்ளது.
லெபனானின் பிரதான மருத்துவமனைகளில் ஒன்று இதுவென்பது குறிப்பிடத்தக்கது.
57 பேர் காயமடைந்துள்ளனர் என மருத்துவமனை வட்டாரங்கள் தெரிவித்துள்ளன.
இஸ்ரேலின் விமானதாக்குதலை தொடர்ந்து இடிபாடுகளிற்குள் சிக்குண்டுள்ளவர்களை மீட்பதற்கான நடவடிக்கைகள் இரவிரவாக இடம்பெற்றன,பெருமளவு கொன்கிறீட்கள் உட்பட இடிபாடுகளை அகற்றி மீட்பு பணிகள் இடம்பெற்றன என பிபிசி தெரிவித்துள்ளது.
முன்னெச்சரிக்கை இன்றி மேற்கொள்ளப்பட்ட தாக்குதலில் மூன்று கட்டிடங்கள் முற்றாக அழிக்கப்பட்டுள்ளன பல கட்டிடங்கள் பெரும் சேதத்தை சந்தித்துள்ளன என பிபிசிதெரிவித்துள்ளது.
இடிபாடுகளின் கீழ் எத்தனை பேர் சிக்குண்டுள்ளனர் என்பது தெரியவில்லை என மீட்பு பணியாளர் தெரிவித்துள்ளார்.
