கடந்த 16 ஆம் திகதி கிராண்ட்பாஸ் பொலிஸ் பிரிவிற்குட்பட்ட மாதம்பிட்டிய மயானத்திற்கு முன்பாக நபர் ஒருவர் சுட்டுக்கொல்லப்பட்ட சம்பவம் தொடர்பில் 2 சந்தேகநபர்கள் கைது செய்யப்பட்டுள்ளனர்.
முச்சக்கரவண்டியில் பயணித்த நபர் ஒருவரை காரில் இருந்து வந்த இனந்தெரியாத நபர் ஒருவர் துப்பாக்கியால் சுட்டுள்ளார்.
இந்த சம்பவம் தொடர்பில் கைது செய்யப்பட்ட சந்தேகநபர்கள் 45 மற்றும் 50 வயதுடைய கொழும்பு 10 மற்றும் கொழும்பு 15 ஆகிய பகுதிகளில் வசிப்பவர்கள் என தெரிவிக்கப்படுகின்றது.
மேற்படி சந்தேகநபர்கள் துப்பாக்கிச் சூட்டுச் சம்பவத்தின் போது உயிரிழந்த நபருடன் முச்சக்கரவண்டியில் பயணித்த ஏனைய இருவர் ஆவர்.
துப்பாக்கிச்சூட்டில் உயிரிழந்த நபரை வீட்டில் இருந்து துப்பாக்கிச் சூடு நடந்த இடத்திற்கு குறித்த சந்தேக நபர்கள் இருவரும் முச்சக்கரவண்டியில் ஏற்றிச் சென்றுள்ளமை தற்போது தெரியவந்துள்ளது.
துப்பாக்கிச்சூடு நடத்திய சந்தேக நபரை தொலைபேசி மூலம் தொடர்பு கொண்டு கொலைக்கு உதவியுள்ளமை விசாரணையில் தெரியவந்துள்ளதாக பொலிஸார் தெரிவித்துள்ளனர்.
சம்பவம் தொடர்பான மேலதிக விசாரணைகளை கிராண்ட்பாஸ் பொலிஸார் மேற்கொண்டு வருகின்றனர்.
