உடல்நலம் சரியில்லாததால் தேர்தலில் போட்டியிட முடியாத நிலையில் உள்ளதாக தெரிவித்த முன்னாள் அமைச்சர் காமினி லொகுகேயிற்கு ஸ்ரீலங்கா பொதுஜனபெரமுன தேசிய பட்டியலில் இடமளிக்கப்பட்டுள்ளது.
உடல்நலம் சரியில்லாததால் தேர்தலில் இம்முறை போட்டியிடமாட்டேன் என காமினி லொகுகே அறிவித்திருந்தார் எனினும் ஸ்ரீலங்கா பொதுஜனபெரமுனவின் தேசிய பட்டியலில் அவரது பெயர் இடம்பெற்றுள்ளது.
உடல்நலபாதிப்பினால் முழுமையாக செயற்பட முடியாத நிலையில் உள்ள ஒருவரின் பெயரை தேசிய பட்டியலில் சேர்த்துள்ளமை குறித்து செய்தியாளர் ஒருவர் கேள்வி எழுப்பியவேளை தான்னால் ஆசனத்தில் அமர்ந்திருந்து பணியாற்ற முடியும் என காமினி லொகுகே தெரிவித்துள்ளார்.
நாமல்ராஜபக்சவின் பெயர் தேசிய பட்டியலில் இடம்பெற்றுள்ளமை குறித்து கருத்து தெரிவித்துள்ள காமினிலொகுகே நாமல் ராஜபக்ச 224 தொகுதிகளிற்குமான ஏற்பாட்டாளர் பணிகளை முன்னெடுக்கவேண்டியுள்ளதால் அவர் தேர்தலில் போட்டியிடுவதற்கு பதில் அந்த பணிகளில் கவனம் செலுத்தவேண்டும் என கட்சி உறுப்பினர்கள் கேட்டுக்கொண்டனர் என தெரிவித்துள்ளார்.
