நால்ல பொலிஸ் பிரிவுக்குட்பட்ட கிரியுல்ல – மீரிகம வீதியில் லொலுவாகொட பிரதேசத்தில் நேற்று (11) இடம்பெற்ற விபத்தில் இளைஞர் ஒருவர் உயிரிழந்துள்ளதாக நால்ல பொலிஸார் தெரிவித்தனர்.
மீரிகமவிலிருந்து கிரியுல்ல நோக்கி பயணித்த முச்சக்கரவண்டி இராணுவத்துக்கு சொந்தமான பஸ்ஸுடன் மோதியதில் இந்த விபத்து இடம்பெற்றுள்ளது.
இவ்விபத்தின்போது முச்சக்கரவண்டியின் சாரதியும் அவ்வாகனத்தின் பின்னிருக்கையில் அமர்ந்திருந்த பெண்ணும் காயமடைந்துள்ள நிலையில் மீரிகம வைத்தியசாலையில் அனுமதிக்கப்பட்ட பின்னர், முச்சக்கரவண்டியின் சாரதி உயிரிழந்துள்ளார்.
மடுகஹவத்த பிரதேசத்தைச் சேர்ந்த 22 வயதுடைய இளைஞரே உயிரிழந்துள்ளார்.
இதனையடுத்து, இராணுவத்துக்குச் சொந்தமான பஸ்ஸின் சாரதி சந்தேகத்தின் பேரில் பொலிஸாரால் கைது செய்யப்பட்டுள்ளார்.
இது தொடர்பான மேலதிக விசாரணைகளை நால்ல பொலிஸார் மேற்கொண்டு வருகின்றனர்.
