அரசியல், சமூக மற்றும் பொருளாதார ரீதியில் நாட்டில் நிலவும் ஊழல் கலாச்சாரம் இனிமேல் இல்லாதொழிக்கப்படும் என எதிர்பார்ப்பதாக இலங்கை சட்டத்தரணிகள் சங்கம் தெரிவித்துள்ளது.
இலங்கை சட்டத்தரணிகள் சங்கம், நாட்டின் 9வது நிறைவேற்று ஜனாதிபதியாக தெரிவு செய்யப்பட்ட அனுரகுமார திஸாநாயக்கவுக்கு வாழ்த்து தெரிவிக்கும் போதே இவ்வாறு தெரிவித்துள்ளது.
இலங்கை சட்டத்தரணிகள் சங்கத்தின் பதில் தலைவர் ஜனாதிபதி சட்டத்தரணி அநுர மத்தேகொட கையொப்பமிட்ட அறிவிப்பிலேயே இவ்வாறு தெரிவிக்கப்பட்டுள்ளது.
அதில் மேலும் தெரிவிக்கப்பட்டுள்ளதாவது,
நிறைவேற்று அதிகாரம் கொண்ட ஜனாதிபதி முறையின் கடமைகளையும் பொறுப்புக்களையும் நிறைவேற்றும் வலிமையும் தைரியமும் புதிய ஜனாதிபதிக்கு இருக்கும் என்றும் நம்புவோம்.
“சட்டத்தின் ஆட்சியும் நீதித்துறையின் சுதந்திரமும் தடையின்றி பேணப்படும் என்று புதிய ஜனாதிபதி மீது மக்கள் வைத்துள்ள நம்பிக்கையையும், திறமையற்ற அரச நிர்வாகத்தையும், அரசியல் ரீதியாக எமது தாய்நாடு முழுவதும் பரவியுள்ள ஊழல் கலாசாரத்தையும் மக்கள் காப்பாற்றுவார்கள், சமூக மற்றும் பொருளாதார விதிமுறைகள் இனி அகற்றப்படும் என்று நாங்கள் நம்புகிறோம்.”
மேலும், இலங்கை சமூகத்தை ஒருங்கிணைத்து, இனம், மதம், சாதிகள் அற்ற இலங்கையை உருவாக்கி எம்மைப் பாதித்துள்ள இனங்களுக்கிடையிலான வேறுபாடுகள் களையப்பட வேண்டும் என்ற மாபெரும் பணிக்கு ஜனாதிபதி வலுவான அடித்தளத்தை இடுவார் என எதிர்பார்ப்பதாக தெரிவித்துள்ளார்.
