NDTV – ஈரநில வைரஸ் (WELV) என அழைக்கப்படும் ஒரு புதிய வைரஸ் சீனாவில் கண்டுபிடிக்கப்பட்டுள்ளது.இந்த வைரஸ் உண்ணி கடித்தால் மனிதர்களுக்கு பரவக்கூடியது எனவும், சில சந்தர்ப்பங்களில் நரம்பியல் நோய்களை ஏற்படுத்தக்கூடும் எனவும் ஊடக அறிக்கைகள் தெரிவிக்கின்றன.
இந்த வைரஸ் முதன்முதலில் ஜூன் 2019இல் ஜின்ஜோ நகரில் 61 வயது நோயாளியிடம் அடையாளம் காணப்பட்டதாகவும், மங்கோலியாவில் உட்பகுதியில் உள்ள ஈரநிலங்களில் உண்ணி கடித்த ஐந்து நாட்களுக்குப் பிறகு அவர் நோய்வாய்ப்பட்டதாகவும் தெரியவந்துள்ளது.
குறிப்பிட்ட நோயாளி காய்ச்சல், தலைவலி மற்றும் வாந்தி, வயிற்றுப்போக்கு என்பவற்றால் பாதிக்கப்பட்டார் என இங்கிலாந்தின் மருத்துவ சஞ்சிகை தெரிவித்துள்ளது.
மேலும், ஆரம்ப கண்டுபிடிப்பைத் தொடர்ந்து, ஆராய்ச்சியாளர்கள் வடக்கு சீனாவில் ஒரு முழுமையான ஆராய்ச்சியை மேற்கொண்டு அங்கு அவர்கள் பல்வேறு இடங்களில் இருந்து கிட்டத்தட்ட 14,600 உண்ணிகளை சேகரித்துள்ளனர்.
ஆடு, குதிரைகள், பன்றிகள் மற்றும் டிரான்ஸ்பைகல் ஜோகோர் எனப்படும் கொறித்துண்ணிகளிலும் WELV RNA கண்டறியப்பட்டுள்ளதாக ஆராய்ச்சியில் தெரியவந்துள்ளது.
