மோட்டார் சைக்கிளில் ஐஸ் போதைப்பொருளை கொண்டு சென்ற ரயில் நிலைய அதிகாரி மற்றும் ரயில் நிலைய உதவியாளர் ஆகியோர் கைது செய்யப்பட்டுள்ளதாக மட்டக்குளி பொலிஸார் தெரிவித்துள்ளனர்.
சந்தேக நபர்களிடமிருந்து 20 இலட்சம் ரூபாவுக்கும் அதிகம் பெறுமதியுடைய 250 கிராம் 320 மில்லிகிராம் ஐஸ் போதைப்பொருளும் போக்குவரத்துக்கு பயன்படுத்தப்பட்டதாக கூறப்படும் மோட்டார் சைக்கிளும் பொலிஸாரால் கைப்பற்றப்பட்டுள்ளன.
கைதானவர்கள் கம்பஹா – முதுன்கொட மற்றும் நீர்கொழும்பு – தெமன்ஹந்திய ஆகிய பகுதிகளைச் சேர்ந்த 29 முதல் 30 வயதுக்கு இடைப்பட்டவர்கள் என பொலிஸார் தெரிவித்துள்ளனர்.
சம்பம் தொடர்பில் மேலதிக விசாரணைகளை பொலிஸார் மேற்கொண்டு வருகின்றனர்.
