இலங்கைக்கு விஜயம் செய்யவுள்ள இந்தியப் பிரதமர் நரேந்திர மோடி யாழ்ப்பாணத்துக்கு செல்வதற்கான வாய்ப்புகள் இருப்பதாக இந்திய அதிகாரிகளை மேற்கோள்காட்டி அந்நாட்டு ஊடகங்கள் செய்தி வெளியிட்டுள்ளன.ஐக்கிய நாடுகள் வெசாக் கொண்டாட்டங்களில் பங்கேற்பதற்காக இந்தியப் பிரதமர் நரேந்திர மோடி அடுத்த மாதம் 12 ஆம் திகதி இலங்கைக்கு விஜயம் செய்யவுள்ளார்.
இந்த விஜயத்தின்போது, கண்டி மற்றும் ஹட்டன் பிரதேசங்களுக்கும் மோடி செல்வார் என்றும் தெரிவிக்கப்பட்டுள்ளது.
கடந்த 2015 ஆம் ஆண்டு இலங்கைக்கான தனது முதலாவது விஜயத்தின்போது, இந்தியப் பிரதமர் மோடி யாழ்ப்பாணத்துக்குப் பயணம் மேற்கொண்டிருந்தார்.
இதேவேளை, தமது இலங்கை விஜயத்தின் பின்னர், அமெரிக்கா, ஸ்ரேல், ரஷ்யா, ஜேர்மனி, ஸ்பெய்ன் மற்றும் கஸகஸ்தான் ஆகிய நாடுகளுக்கு எதிர்வரும் ஜூலை மாதத்துக்குள் மோடி விஜயம் செய்ய திட்டமிட்டிருப்பதாக இந்திய அதிகாரிகள் தெரிவித்துள்ளனர்.
