தேசிய சகவாழ்வு கலந்துரையாடல் மற்றும் அரச கரும மொழிகள் அமைச்சரும், ஜனநாயக மக்கள் முன்னணி தமிழ் முற்போக்கு கூட்டணி தலைவருமான மனோ கணேசன் வியட்நாமிற்கு உத்தியோகப்பூர்வ விஜயத்தை மேற்கொண்டுள்ளார்.
அமைச்சர் இன்றிரவு தனது விஜயத்தை முன்னெடுத்துள்ளதுடன் தற்போது ஜப்பான் பயணத்தில் இருக்கும் பிரதமர் ரணில் விக்ரமசிங்க, இந்தியா சென்று அங்கிருந்து வியட்நாம் செல்ல உள்ளார் என தெரிவிக்கப்படுகின்றது.
வியட்நாமில் உத்தியோகபூர்வ பயணத்தை, ஞாயிற்றுக்கிழமை ஆரம்பிக்கும் பிரதமரின் தூதுக்குழுவில், அமைச்சர் மனோ கணேசனும் இணைந்து கொள்வார் என கூறப்படுகின்றது.
வியட்நாமில் இருந்து நாடு திரும்பும் வழியில் மலேசியா சென்று அங்கு வாழ்கின்ற தமிழர்கள் மத்தியில் ஏற்பாடு செய்யப்பட்டுள்ள நிகழ்வுகளிலும், அமைச்சர் மனோ கணேசன் கலந்துகொள்ள உள்ளார்.
மேலும், இதற்கான ஏற்பாடுகளை மலேசியாவுக்கான இலங்கை தூதுவர் முஹமத் முசாம்மில் முன்னெடுத்துள்ளார் என ஜனநாயக மக்கள் முன்னணி ஊடக செயலகம் விடுத்துள்ள செய்தி குறிப்பில் கூறப்பட்டுள்ளது.
