கிளிநொச்சியில் சமத்துவ கட்சி அலுவலகத்தில் முள்ளிவாய்க்கால் நினைவேந்தல் இன்று சனிக்கிழமை (18) பிற்பகல் 3 மணியளவில் அனுஷ்டிக்கப்பட்டது.
முன்னாள் பிரதேச சபை உறுப்பினர் மயில்வாகனம் தலைமையில் இடம்பெற்ற நிகழ்வில் பொதுச் சுடரேற்றப்பட்டு, தொடர்ந்து ஏனைய சுடர்களும் ஏற்றப்பட்டு மலர் வணக்கமும் செலுத்தப்பட்டது.
இறுதி யுத்தத்தின் போது கொல்லப்பட்ட அனைத்து மக்களையும் நினைவு கூர்ந்து அகவணக்கமும் செலுத்தப்பட்டதோடு, முள்ளிவாய்க்கால் கஞ்சியும் வழங்கி வைக்கப்பட்டது.
